Cad iad na cistí a chuireann an tAontas ar fáil do cheantair thuaithe?
I bprionsabal, tá rochtain ag ceantair thuaithe ar chistí agus ar chláir uile an Aontais. Is iad seo a leanas na cinn is ábhartha:
- An Ciste Eorpach Talmhaíochta um Fhorbairt Tuaithe (CETFT): Forbairt tuaithe (europa.eu)
- Ciste Forbraíochta Réigiúnaí na hEorpa (CFRE) agus an Ciste Comhtháthaithe (CC): Ciste Forbraíochta Réigiúnaí na hEorpa (CFRE) | An Coimisiún Eorpach (europa.eu) agus An Ciste Comhtháthaithe (CC) (europa.eu)
- Ciste Sóisialta na hEorpa Plus (CSE+) Ciste Sóisialta na hEorpa Plus (CSE+) – Fostaíocht, Gnóthaí Sóisialta agus Cuimsiú – An Coimisiún Eorpach (europa.eu)
- An Ciste Eorpach Muirí, Iascaigh agus Dobharshaothraithe (CEMID): CEMID (europa.eu)
- NextGenerationEU tríd an tSaoráid Athléimneachta agus Téarnaimh (RRF): An tSaoráid Téarnaimh agus Athléimneachta (europa.eu)
- An Ciste um Aistriú Cóir(CUAC)
- Clár LIFE
- Taighde agus Nuálaíocht – Fís Eorpach: Fís Eorpach (europa.eu)
- An clár don Eoraip Dhigiteach
- Erasmus+ Leathanach baile | Erasmus+ (europa.eu)
- An Cór Dlúthpháirtíochta Eorpach
- Clár an Mhargaidh Aonair
Cad é an tsraith uirlisí maidir le rochtain ar chistí an Aontais agus na cistí sin a chur le chéile?
Spreagfaidh an tsraith uirlisí seo údaráis áitiúla agus chríochacha agus páirtithe leasmhara chun leas a bhaint as deiseanna cistiúcháin an Aontais don fhorbairt áitiúil agus don athbheochan i gceantair thuaithe. Chomh maith leis sin, leis an tsraith uirlisí bainfear leas as taithí agus eiseamláirí piaraí tuaithe agus déanfar na scéalta ratha a mhacasamhlú.
Is é is aidhm don tsraith uirlisí maidir le deiseanna cistiúcháin an Aontais do limistéir thuaithe cuidiú le tairbhithe tuaithe agus leis na gníomhaithe uile a bhfuil baint acu leis an bhforbairt chríochach leas a bhaint as sineirgí agus comhlántachtaí idir cistí agus ionstraimí lena rannchuidítear leis an bhforbairt tuaithe.
Cén uair atá sé beartaithe ag an gCoimisiún an tSraith Uirlisí maidir le cistí an Aontais a fhoilsiú?
Tá sé beartaithe ag an gCoimisiún an chéad eisiúint den tsraith uirlisí a chur ar fáil i mí Mheán Fómhair 2023 agus an tsraith uirlisí iomlán a chur ar fáil faoi mhí na Nollag 2023.
Cad é atá i gceist leis an Lámhleabhar um Straitéisí Forbartha Críochacha agus Áitiúla?
Tá tacaíocht mhodheolaíoch ar fáil sa lámhleabhar d’údaráis bhainistíochta clár oibríochtúil, d’údaráis áitiúla agus d’aon eagraíocht eile a bhfuil baint aici le straitéisí forbartha a cheapadh, a chur chun feidhme agus monatóireacht a dhéanamh orthu.
Ina theannta sin, tugtar aghaidh san fhoilseachán ar an bhforbairt chríochach lasmuigh de chathracha, de cheantair uirbeacha fheidhmiúla agus de cheantair mheitreapholaiteacha. Tugtar inspioráid agus ábhar machnaimh ann faoin dóigh le dul i ngleic leis na dúshláin bheartais is ábhartha nó is minice a d’fhéadfadh a bheith roimh ghníomhaithe forbartha críochaí.
Tá tuilleadh eolais ar fáil faoin Lámhleabhar um Straitéisí Forbartha Críochacha agus Áitiúla