Is de dhlúth agus d’inneach na sochaí na réigiúin tuaithe. Is iadsan cuisle an gheilleagair. Is dlúthchuid dár gcuid féiniúlachta agus dár bpoitéinseal eacnamaíoch atá san éagsúlacht sin. Is ceanúil agus is caithiseach a chaomhnóimid ár gceantair thuaithe, agus beimid ag infheistiú i dtodhchaí na gceantar sin.
Is gréasán bríomhar beatha agus tírdhreach atá i gceantair thuaithe na hEorpa a chuireann bia, tithe, poist agus seirbhísí éiceachórais riachtanacha ar fáil dúinn.
Chun a chinntiú go mbeidh na róil ríthábhachtacha sin fós ag na ceantair thuaithe, leagtar amach i dteachtaireacht ón gCoimisiún Eorpach fís fhadtéarmach do cheantair thuaithe an Aontais suas go dtí 2040. Sainaithnítear ann réimsí gníomhaíochta arb é is aidhm dóibh na ceantair thuaithe agus na pobail tuaithe a dhéanamh níos láidre, níos nasctha, níos athléimní agus níos rathúla. Tá uirlisí nua agus tionscnaimh shuaitheanta a dhéanfaidh fíordhifríocht mar chuid den Chomhaontú um an Tuath agus de Phlean Gníomhaíochta an Aontais Eorpaigh um an Tuath agus cuideoidh siad sin chun spriocanna na físe a bhaint amach.
I mí na Nollag 2021, chuir an Leas-Uachtarán Šuica, an Coimisinéir Wojciechowski agus an Coimisinéir Ferreira síneadh leis an gcuireadh oscailte dul isteach i bpobal an Chomhaontaithe um an Tuath. Mhol siad do na páirtithe agus do na heagraíochtaí ar fad a bhfuil spéis acu ann a dtacaíocht a léiriú do na 10 sprioc choiteanna atá san fhís agus ról gníomhach a ghlacach i bhforbairt an Chomhaontaithe. Formhuiníodh an togra le haghaidh an Chomhaontaithe ag comhdháil an Chomhaontaithe um an Tuath an 16 Meitheamh 2022.
Is féidir le páirtithe leasmhara páirt a ghlacadh sa Chomhaontú trí dhul isteach i bpobal an Chomhaontaithe um an Tuath agus gealltanas a thabhairt chun ceann amháin nó níos mó de na cuspóirí a bhaint amach.
Faigh amach tuilleadh faoin bhfís tuaithe agus faoin dóigh ar forbraíodh í.
Plean Gníomhaíochta
Áirítear sa phlean gníomhaíochta 30 gníomhaíocht arna gcur chun feidhme ag 14 roinn de chuid an Choimisiúin Eorpaigh agus iad ag obair i ndlúthchomhar le chéile. Tá sé á eagrú de réir na gceithre cholún den fhís tuaithe.
Faigh tuilleadh eolais faoin bplean gníomhaíochta.
An Comhaontú um an Tuath
Is creat é an Comhaontú um an Tuath le haghaidh comhar idir rialtais náisiúnta, réigiúnacha agus áitiúla, eagraíochtaí na sochaí sibhialta, gnólachtaí, an lucht acadúil agus saoránaigh chun gníomhú i dtreo spriocanna coiteanna na físe tuaithe. Tá trí chuspóir ag baint leis:
Guthanna na tuaithe a mhéadú agus iad a chur chun tosaigh ar an gclár oibre polaitiúil
An líonrú, an comhar agus an fhoghlaim fhrithpháirteach a struchtúrú agus a chumasú
Gealltanais dheonacha a spreagadh chun gníomhú ar son na físe agus faireachán a dhéanamh orthu
Foghlaim tuilleadh faoin gComhaontú um an Tuath.
An nuacht is déanaí
New insights and lessons learned from the Rural Pact Conference in Sweden
The Rural Pact Conference “Acting for Rural Areas - Sharing Rural Pact Experiences and Learning for the Future” took place in Uppsala 3-4 May. Some 150 participants from institutions & NGOs of 27 Member States gathered on site at Ultuna, campus for the Swedish University of Agricultural Sciences.
Empowering remote areas: Kiruna Declaration paves the way for a just transition
The Bureau of the Committee of the Regions, gathering European Union's local and regional leaders, met in Kiruna, Sweden, in April. They have adopted the Kiruna Declaration, calling the EU institutions to take into account the specific challenges faced by remote areas in the EU budget.
Museum in the Village: where cultural heritage meets well-being!
Museum in the Village is a cultural programme designed for rural residents aged over 65, who often face limited accessibility to cultural activities. The initiative connects 13 museums & 13 villages across Portugal, bringing together museum professionals, artists, communities, and local authorities.